Ակնագարուկն արագ բուժելու բնական միջոցներ. tert.am

Եթե կոպի վրա ակնագարուկ է հայտնվել, պետք չէ սպասել, որ այն ահռելի չափսերի հասնի, ընդհակառակը, բուժումը պետք է սկսել առաջին րոպեներից: Healthy food star-ը  խորհուրդ է տալիս դրա դեմ պայքարել բնական միջոցներով` կարտոֆիլի, ձվի և վարունգի օգնությամբ: Եթե  ընտրում ենք կարտոֆիլը, նախ պետք է այն լավ լվանալ, ապա մաքրել և շերտատել ու մեկ կտորը դնել անմիջապես ակնագարուկի վրա: Կարտոֆիլը կարելի է նաև աղալ և թանզիվով փաթաթած դնել աչքի բորբոքված մասին: Այն վերացնում է ցավը:

Ավանդական մյուս միջոցը ձվի հում սպիտակուցն է: Այն պետք  է լցնել մաքուր բամբակե կտորի վրա և դնել աչքին, 20 րոպե թողնելուց հետո վերցնել և լվանալ դեմքը: Նույնը կարելի է անել նաև լավ եփած ձվով:

Նույն արդյունքը կստանաք` վարունգ օգտագործելով: K, C, B₁ վիտամինների և կալիումի պարունակության շնորհիվ թարմ կտրատած վարունգը կարող է հանգստացնել աչքի բորբոքվածությունը:

Հարցեր, պատասխաններ, մեկնաբանություններ